Нов удар за Луис Енрике.
После што вчера беше објавено дека Самуел Умтити порад повреда на мускулот ќе го напушти кампот на репрезентацијата на Франција и ќе се врати во Барселона на детални медицински прегледи, денеска одличниот стопер ќе биде надвор од тимот три недели.
Тој ќе го пропушти рерпезентативните мечеви кои ФРанција ќе ги одигра со Шведска и БСК, лигашкит дуел со Малага (19 ноември), потоа и мечот од ЛШ против Селтик (23 ноември), и втор меч во Примера против Реал Сосиедад (27 ноември).
Сеуште не се знае дали Умтити ќе биде доволно спремен за дербито со Реал Мадрид кое е на програмата на трети декември на Ноу Камп.
Да потсетијме, покрај него, надвор од тимот се Џерард Пике, Жорди Алба и Андрес Иниеста, а освен капитенот, двајцата дефанзивци сигурно ќе бидат спремни за Реал Мадрид.
Умтити во оваа сезона одигра 10 мечеви за Барса која ниту еднаш не загуби кога тој беше на теренот и по многумина тој е најдобро засилување на Каталонците во претходното лето.
