Возачот на Јамаха, Хорхе Лоренцо ја освои пол позицијата пред ГН на Валенсија, последната трка од Мото ГП за оваа година. Лоренцо во првиот ред ќе вози покрај Маркез и Роси.
Квалификациите на патеката „Рикардо Тормо“ беа возбудливи, а Лоренцо ги заврши пред Маркез. Постариот од двајцата Шпанци на почетокот на викендов покажа дека сака да се прости од Јамаха во голем стил, а тоа посебно се виде во борба за пол позицијата.
Таа борба падна само на Лоренцо и Маркез, кои беа најблиску на слободните тренинзи, бидјеќи Роси беше далеку од нив.
Покрај Вињалес во вториот ред ќе бидат Довициозо и Пол Еспаргаро, а ќе ги следи Јаноне од Дукати. Првата 10-ка ја комплетираат Алеш Еспаргаро и Бредли Смит.
