Раководството на Динамо планира две големи враќања во своите редови, соопштија хрватските медиуми.
Загрепскиот клуб ја има една од своите послаби сезони во последните неколку години и тоа сака да го поправи во летниот преоден рок, а како звучни имиња кои би можеле да стигнат на Максимир се споменуваат Едуардо и Самир.
„Заинтересирани сме за Едуардо. Во најскоро време тоа ќе биде решено, Реализацијата на трансферот зависи од многу фактори, финансискиот аспект е еден од нив“, изјави Влак, спортскиот директор на Динамо, а на прашањето за Самир не одговори ниту со да ниту со не.
Динамо не сака да ја испушти доминацијата, имаат освоено 11 титули во низа и се спрема за бомбастични трансфери оваа сезона. Моментално на табелата Ријека има шест бода повеќе во однос на Динамо Загреб.
