Обидот на “Лисиците” да го доведат капитенот на Вотфорд во своите редови пропадна.
Понудата од 25 милиони евра беше одбиена, па напаѓачот ќе остане член на Вотфорд и во наредната сезона.
Дини потпиша и нов петгодишен договор со Вотфорд, со што беше ставена точка на сагата.
“Сакав да останам. Клубот ги разгледа сите понуди кои пристигнаа и преку разговор дојдове до заклучок дека најдобро е да останам”– изјави Дини.
Вотфорд во наредната сезона има големи амбиции, а тоа го потврдува и фактот што огромната понуда од 37.5 милиони фунти од кинески Шангај СИПГ за најдобриот стрелец на тимот минатата сезона, Одион Игало, беше одбиена.
