Селекторот на фудбалската репрезентација на Германија Јоаким Лев постави денеска пред својата екипа голем предизвик.
Селекторот на фудбалската репрезентација на Германија Јоаким Лев постави денеска пред својата екипа голем предизвик – за во квалификациите за СП во 2018 година да не загубат ниту еден бод.
„Целта е јасна – сакаме да се пласираме на Светско првенство без загубен бод“, рече Лев за германските медиуми.
Германија моментално е прва на табелата од Групата Ц со максимални 12 бодови после четири кола.
Светскиот шампион утре гостува кај Азербајџан, кој е на третото место со седум бодови.
„Сите играчи се спремни. Единствено под знак прашање е Месут Озил, но ќе го сочекаме последниот тренинг пред што да донесеме конечна одлука за него“, рече Лев.
Натпреварот се игра утре од 18:00 часот во Баку.
