Пред дербито, падна најважниот потпис во Манчестер Сити! ↓↓↓
30 годишната руска репрезентативка Полина Кузнецова ќе биде нов член на Вардар откако денес стави потпис на договор за следните две сезони.
Кузнецова игра на левата крилна позиција, а во Вардар доаѓа како слободен агент откако и заврши договорот со Красондар од Русија.
„Среќни сме што вака добра ракометарка од светска класа реши својата кариера да ја продолжи во Вардар. Со Кузнецова ќе имаме брзо и „убиствено“ крило, и верувам ќе ги постигнеме заедно резултатите што ги посакуваме“-изјави спортскиот директор на Вардар, Давор Стојаноски.
Во својата кариера Кузнецова има настапувано за тимовите на Волгоград, Лада Тољати, Звезда Звенигород, Астраханочка и Красондар. Русинката има многу индивидуални признанија меѓу кои и најдобро лево крило на последните ЛОИ кои се одржаа во Рио, како и два избори меѓу најдобрите играчи на Светското првенство 2007 и Европското првенство во 2012 година.
Кузнецова е четврто засилување за Вардарки по Драгана Цвијиќ, Јована Саздовска и Мирјета Бајрамовска.
