Ламар Одом сака да се врати во НБА лигата, барем на кратко, за да може да се пензионира со тимот на Лејкерс, каде и ги доживеа најубавите моменти во кариерата.
37-годишниот поранешен крилен играч на Лос Анџелес Лејкерс сѐ уште не е официјално пензиониран, иако помина долго време откога последен пат има играно натпревар.
Во моментот тој работи на тоа да потпише еднодневен договор со тимот од Лос Анџелес за и официјално да се пензионира со тимот со кој освои два шампионски прстени.
Инаку, тој одигра 7 полни сезони со тимот на Лејкерс а во последната сезона од неговиот ангажман ја освои и наградата за Најдобар Шести Играч во НБА.
