Напаѓачот на ПСЖ, Единсон Кавани се наоѓа на листата од 30 кандидати кои влегоа во потесен избор за Златната Топка која ја доделува „Франс Фудбал“.
Уругваецот не е фаворит за ова признание, но по неговото мислење Златната топка не треба да ја добие Лука Модриќ.
Во последно излезе дека Модриќ е главен фаворит за оваа награда, но Кавани не смета така.
„Мислам дека некој Французин треба да победи. Тоа може да бидат Варан, Гризман или Мбапе. Тоа би можел да биде и некој друг фудбалер, но треба да е француски репрезентативец. Тие го освоија Светското првенство. Модриќ имаше само одлична сезона, но неговиот соиграч Варан го освои Мундијалот и Лигата на шампионите. Модриќ беше финалист на Светското првенство и имаше одлична сезона, но Варан повеќе ја заслужува оваа награда“ истакна Кавани за „РМЦ“.
