Шанса да станеш YouTuber! Приклучи се! ↓↓↓
Македонскиот репрезентативец Горан Пандев утре против Летонија ќе го одигра 100-от меч во репрезентативната кариера и ќе прослави голем јубилеј.
Македонскиот капитен ќе игра против Летонија во квалификациите за Европското првенство во 2020 година, а сите погледи ќе бидат насочени токму кон Пандев.
Пандев реши поради огромниот јубилеј да излезе на теренот во специјални копачки, на кои се наоѓа бројката 100, македонското знаме, како и имињата на неговите деца, Филипо, Ана и Софија.
Напаѓачот објави фотографија од неговите копачки на Инстаграм, а првите реакции на фановите се одлични бидејќи се воодушевени од нивниот изглед.
Сите се надеваат на победа против Летонија, а можеби токму Пандев ќе биде стрелец на некој погодок.
