Фотографија која стана хит во Хрватска: Далиќ го држи Вида да не падне од автобусот

Во Хрватска денес се слави историскиот пласман на фудбалската репрезентација на Светското првенство во Русија.

Хрватите предводени од Златко Далиќ стигнаа до сребрениот медал на најголемата фудбалска смотра, а денес сосема заслужено беа пречекани од над 500.000 сограѓани во Загреб.

Автобусот кој ги носеше фудбалерите од аеродромот до плоштадот во Загреб патуваше над шест часа, а на него цело време имаше прекрасна атмосфера. На стотина метри пред плоштадот, се случи интересен момент.

Имено, Домагој Вида беше качен високо и прославуваше со фановите околу, додека Далиќ го држеше за да не падне. Оваа фотографија веднаш ја обиколи цела Хрватска.

Advertisements