Уствари викендов е затишје пред бура! ↓↓↓
Холанѓанецот Роналд Куман се наоѓа пред отказ во екипата на Барселона. Овој 58-годишен тренер не ги оправда очекувањата на каталонскиот гигант, а „Мундо Депортиво“ тврди дека веќе двајца стратези се споменуваат како замена за сегашниот предводник.
Новинарот на познатиот медиум објави дека Чави Ернандез и Роберто Мартинез се најголемите фаворити за тренерското столче во Барселона.
Проблем е тоа што ниту еден од овие не е слободен. Чави со години работи во Катар, додека Мартинез ја предводи Белгија.
Исто така, како еден од кандидатите се споменува италијанскиот тренер Андреа Пирло, кој во моментов е без ангажман.
Меѓутоа, првиот човек на Барселона, Жоан Лапорта сака докажан тренер кој може да ја врати екипата на победнички патеки.
