Реал Мадрид после пенали го совлада Арсенал на Интернационалниот Куп на шампиони.
Кралевите успеаа да ги стигнат двата гола минус на овој меч. После 90 минути игра беше 2-2, а после пенали Реал славеше со 3-2.
Натпреварот лошо започна за тимот од Мадрид. Начо веќе после девет минути игра мораше да го напушти теренот поради два жолти картони, а во 10, минута Лаказет погоди од пенал за водство на Арсенал од 0-1.
Во 24. минута Кралевите примаа нов гол. Обамејанг го постигна вториот погодок за Арсенал.
Во финишот на првиот дел Сократис доби втор жолт и Арсенал остана без еден играч.
Ова Реал го искористи, па преку Бејл во 56. и Асенсио во 59. минута успеаа да дојдат до 2-2, но резултатот до крајот на регуларниот дел не се смени, па на пенали славеше Реал.
Треба да се истакне дека Асенсио во 65. минута доживеа тешка повреда на коленото и се препоставува дека долго време ќе биде надвор од терените.
Баерн со голот на Леон Горетски го совлада Милан со 1-0, а и овој меч беше обележан со повреда. Новиот играч на Росонерите Тео Хернандез ја напушти играта во финишот на првото полувреме поради повреда на зглобот.
