Шанса да станеш YouTuber! Приклучи се! ↓↓↓
Селекторот на Италија Антонио Конте рече дека неговите фудбалери со победата над Шпанија покажаа дека Аѕурите не се само „катеначо“
„Знаев дека момците имаат во себе нешто што е надвор од обичното. Реков и пред натпреварот, затоа што е лесно да се зборува после. Момците беа исклучителни. Сега треба да се одмориме бидејќи не чека уште еден тежок натпревар, против Германија, но докажевме дека Италија не е само „катеначо“, рече Конте после мечот.
Италија вечерва го победи двојниот шампион по ред Шпанија со 2:0 во осмина финалето на ЕП во Франција, пред се благодарение на одличната тактичка игра.
„Чави ни го даде најдобриот комплимент кога рече дека Италија за него е мешавина од Барселона и Атлетико Мадрид. Тоа докажува дека не разбираат тие кои играат фудбал“, рече Конте.
Италија на Германија ќе оди без суспендираниот Тиаго Мота.
„Штета поради Мота, бидејќи тој за нас е 12 играч на теренот. Мораме да се подготвивме, ќе биде тешко, можеби дури и потешко отколку денеска“,рече Конте.
