Шанса да станеш YouTuber! Приклучи се! ↓↓↓
Норвешкото чудо од дете, Мартин Одегард си најде нов клуб, според информациите на шпански „АС“. Младиот фудбалер се двоумел меѓу Баер Леверкузен и Реал Соседад, а на крајот го избрал шпанскиот клуб.
Иако желба на Реал беше Одегард да се пресели во Леверкузен, сепак Норвежанецот сметаше дека подобро за него ќе биде да игра во Сосиедад.
Во меѓувреме потпиша и нов договор со „кралевите“, кој ќе важи до 2023 година. Одегард минатата сезона играше одлично во Витесе, откако на 39 меча постигна 11 гола и 12 асистенции.
Многумина сметаа дека 20-годишниот фудбалер ќе добие шанса во првиот тим на Реал сезонава, но сепак ќе мора да почека уште една сезона Одегард.
