Дефанзивецот на Атлетико прави голем трансфер во кој станува најплатениот играч во Интер…?!

Како што пренесуваат италијанските медиуми, Диего Годин ова лето ќе ги засили редовите на милански Интер.

Тоа не е новост, оддамна се пишува за договорот помеѓу „Нероаѕурите“ и искусниот дефанзивец, кому му истекува договорот со клубот од Мадрид.

Уругвајецот така по девет години ќе го напушти Атлетико и кариерата ќе ја продолжи во Серија А, а сега се обелоденети и деталите од договорот кој ќе го потпише со екипата од „Меаца“.

Имено, на Годин најпрво му е понуден двегодишен договор, но самиот дефанзивец инсистираше Интер да му понуди договор на три сезони, на крајот што излезе по негово.

Она што привлече најмногу внимание на медиумите е неговата идна плата во Милано, а како што пренесува Газета дело Спорт. Годин во Интер ќе заработува 6,75 мииони евра годишно.

Тоа го лансира меѓу најплатените играчи во Серија А, а ќе стане и најплатен играч на милански Интер.

Интересно е што во Мадрид имаше за 35% помала плата, изгледа дека во Интер веруваат дека во својата 33. година, Уругвајецот може многу да му понуди на клубот.