Кој ќе тепа на Ел Класико!? ↓↓↓
Лос Анџелес Лејкерс ја изедначи серијата против Портланд Трејл Блајзерс со 1-1. По поразот во првиот натпревар од првото коло од плеј-офот во НБА лигата, синоќа тие лесно дојдоа до победа – со резултат 111:88.
На Трејл Блензерс им е потребна максимална посветеност на секој од играчите на секој натпревар против Лејкерс да победи и ако тоа не се случи, ќе следи она што се случи синоќа.
Веќе на почетокот на мечот Лејкерс направија серија и отидоа на плус девет, а на крајот од првиот дел водеа со 27:19. Во текот на втората четвртина, Лејкерс одржуваа двоцифрена предност, за да стигнат до максимална разлика од 17 поени на полувреме – 56:39.
До крајот на третата четвртина, Портланд се распадна, Лејкерс имаа на предност од 30+ поени, а на крајот во последниот дел и без главните sвезди го донесоа натпреварот до крај и стигнаа до 1:1.
Ентони Дејвис постигна 31 поен со 11 скокови и три асистенции за само 29 минути. Калдвел-Поуп додаде 16 поени, а ЏР Смит 11, додека МекГи и Џејмс постигнаа по 10 поени. На Портланд, Лилард беше единствениот што се истакна со само 18 поени. Мек Колум постигна 14, Симонс 11 и Нуркиќ 9 со пет скока.
Истата вечер, малку порано, Милвоки Бакс го совладаа Орландо Меџик 111:96 и изедначија во серијата. Антетокумпо имаше 28 поени и 20 скока, а Лопез имаше 20 поени. Кај Орландо, Никола Вучевиќ постигна 32 поени со 10 скока.
Со 111:98, Хјустон Рокетс ја совладаа Оклахома и поведоа со 2:0. Харден беше најефикасен играч за Ракетите со 21 поен, а Гилгеус-Александар од Оклахома најефикасен играч на натпреварот со 31 поен.
