ФИФА го помести почетокот на Мундијалот за да избегне необична сцена!?

Светската фудбалска федерација (ФИФА) реши да го помести датумот на почетокот на Светското првенство (СП) за еден ден порано, објави „Атлетик“.

Причина за ова е да се избегне преседан според кој во првиот ден од шампионатот би играле две селекции од која ниту една не е домаќин.

Со ова ќе му се даде шанса на Катар да се пресмета со Еквадор како прв меч на Мундијалот, а истиот би требало да се игра на 20 ноември од 20 часот.

Според претходниот распоред, турнирот требаше да го отворат селекциите на Сенегал и Холандија.