Шпанските медиуми пишуваат дека фудбалерите на Барселона кренале глас против капитенот на екипата, Лионел Меси. Меѓу фудбалерите кои се против Аргентинецот се Марк-Андре Тер Штеген, Рики Пуч, Осман Дембеле, Самуел Умтити и Жуниор Фирпо.
Овие фудбалери сакаат да се реши што е можно побрзо иднината на Аргентинецот за да се смири ситуацијата во Каталонија, а исто така им пречи тоа што капитенот не комуницира со сите фудбалери, туку само со некои.
Меси има договор со каталонскиот гигант до крајот на сезоната, а за неговиот потпис се заинтересирани Манчестер сити, ПСЖ и Интер, па останува да видиме што ќе се случи.
„Како што кажав многу пати до сега, Меси е среќен тука. Тој е многу важен за нас и неговата креативност влијае на сите“, кажа Куман.
