Ниту едно вечно дерби во регионов не може да се спротистави на германската Втора лига, каде што 150.000 навивачи побарале билети за мечот меѓу Келн и Хамбургер.
Стадионот на Келн е мал за сите тие кои побарале да го гледаат дербито меѓу двата поранешни бундеслигаши, кои минатата година се преселија во понизок ранг.
Стадионот „Мингенсдорфер“ има капацитет од 50.000 места и не можел да ги собере сите навивачи, кои побарале карти за големото дерби.
Доколку Келн имал три стадиони, комотно ќе можел сите три да ги наполни со навивачи, а самиот број на навивачи, кои покажале интерес за натпреварот доволно зборува колку е важен фудбалот во Германија.
