Новак Ѓоковиќ го користи слободното време за да одмори во Црна Гора, каде што воедно се подготвува за учество на Ју-Ес опен, за кој барем во моментов нема право на настап.
Србинот е на одмор во Котор, а сега ја искористи можноста со пријателите да заплива во реката Љута која е позната по тоа што станува збор за планинска река која има температура од само пет степени.
Ова не е првпат Ѓоковиќ да плива во ладна вода бидејќи претходно реши да плива и во уште една ладна река за да ги усоврши вежбите за дишење.
Ѓоковиќ не е сигурен дали ќе настапи на последниот гренслем-турнир во сезоната, откако неодамна го освои Вимблдон.
