До кога ќе дишеме отровен воздух!? | Уште еден поткаст ↓↓↓
Италијанскиот фудбал го тресе голем скандал поврзан со судењето, а истрагата сè повеќе добива на значење и отвора многу прашања. Газета дело Спорт пишува дека сè започнало откако се нашле под лупа водечките луѓе на италијанската судиска организација (АИА).
Прв се повлече шефот на делегирање на судиите Џанлука Роки, кој е под истрага поради сомневање за соучесништво во спортска измама, а потоа и супервизорот Андреа Ѓервасони, кој исто така е предмет на истрага поради наводна недозволена интервенција во ВАР собата за време на март 2025 година.
Но, тоа е само почеток на многу поширока приказна која ја води обвинителството во Милано, а за разбирање на целосниот случај потребно е да се вратиме на минатата сезона.
Обвинителот Маурицио Ачионе наводно на Роки му ги става на товар три точки од обвинението, а клучната се однесува на сомневање дека делегирал судии кои му погодувале на Интер. Сепак, на прв поглед се појавуваат сериозни нелогичности.
Како што истакнува Газета дело Спорт, еден од клучните елементи на обвинението се однесува на судијата Даниеле Довери, за кој се тврди дека не бил „пожелен“ од Интер.
Меѓутоа, фактите говорат поинаку – Довери судеше дури пет натпревари на Интер во сезоната 2024/25.
Се споменува и наводниот договор од првиот натпревар на полуфиналето на Купот на Италија на Сан Сиро (2 април), според кој Довери требало да суди и реваншот за да се избегне „непожелен“ судија во продолжението на натпреварувањето.
Дополнително, Газета поставува логично прашање. Ако целта била да се помогне на Интер, ќе беше ли „непожелниот“ судија делегиран за исклучително осетлив натпревар како градското дерби во реваншот на полуфиналето на Купот на Италија?
Во фокусот е и наводниот состанок на Сан Сиро за време на кој, според сомнежите, се договарале делегирања на судиите. Но, Газета дело Спорт нагласува дека за таков настан нема конкретни докази.
Прашувањата се многу, каде би можел таков разговор воопшто да се одржи на стадион со повеќе од 67 илјади гледачи, и во чије присуство?
Паралелно со Роки, под истрага е и Андреа Ѓервасони поради наводна надворешна интервенција во ВАР собата за време на натпреварот во Серија Б помеѓу Салернитана и Модена.
