Рускиот селектор Валери Карпин за медиумите во татковината зборуваше за потенцијалните ривали во баражот за Светското првенство (СП) во Катар, а негова желба е да заиграат против Македонија.
Карпин е свесен дека би биле фаворит против Македонија на хартија, но тоа мора да го докажат и на теренот затоа што ние имаме квалитетна репрезентација.
„Сите кај нас ја посакуваат Македонија, па така и јас. Мислам дека Македонија е најлесниот противник кој може да ни се падне. Нормално е и ние како репрезентација тоа да го посакуваме… Сепак фаворитската улога ќе биде само на хартија и ќе мора да ја потврдиме на теренот“, кажа Карпин.
Ждрепката за баражот за Мундијалот во Катар ќе се одржи в петок од 17 часот.
