Шанса да станеш YouTuber! Приклучи се! ↓↓↓
Контроверзниот тенисер Ник Кирјос имал тешки моменти во текот на неговата кариера во последните месеци, а сега конечно ја „отвори душата“ и откри низ каков пекол морал да помине.
Кирјос кажа дека често користел алкохол, но и дрога, а размислувал и да си го одземе животот, но сепак на крајот успеал да се врати на нормалниот живот.
Австралискиот тенисер објави фотографија од пред три години на Австралијан опен, каде што може да се забележат рани на неговите раце.
„Ова бев јас пред три години на Австралијан опен. Многумина би помислиле дека немам проблеми, но тоа беше еден од најмрачните периоди во мојот живот. Ако добро погледнете, на мојата десна рака може да забележите повреди. Бев осамен, депресивен, негативен, конзумирав алкохол, дрога и ги отфрлив семејството и пријателите. А размислував и да си го одземам животот“, вели Кирјос.
