Фудбалерите на Барселона во вторник играат на домашен терен против ПСЖ во првиот меч од осминафиналето во Лигата на шампиони.
Каталонскиот клуб е во добро расположение и го дочекува мечот против парижаните, а сигурно навивачите ќе уживаат во возбудлив фудбал.
Роналд Куман во последно време имаше многу проблеми со повредени фудбалери, а посебно тоа се однесува на дефанзивната линија.
Меѓутоа, пред мечот против ПСЖ, Куман доби одлични вести затоа што со првиот тим тренираше Жерар Пике, кој најверојатно ќе биде во конкуренција а натпреварот.
Пике би можел да се врати во одбраната на Барселона и така да ја врати самодовербата и цврстината во дефанзивата, која очигледно недостигаше во претходниот период.
