Македонската ракометна репрезентација денеска ќе го почне Европското првенство, каде што првиот натпревар ќе го игра против Франција.
Натпреварот меѓу Македонија и Франција ќе се игра на фудбалски стадион кој беше трансформиран и ќе прими над 53.000 гледачи.
Франција е фаворит во дуелот против Македонија, но селекторот Кире Лазаров кажа дека се надева на добро издание на неговите пулени.
„Имаме голема чест да бидеме дел од историскиот меч и да настапиме пред 55.000 гледачи. Тоа е одлично и со нетрпение го очекуваме почетокот. Се надевам дека ќе го прикажеме најдоброто од себе“, кажа Лазаров.
