Македонските ракометари останаа без бронза на Медитеранските игри

Србија славеше со 34-29 против Македонија во битката за бронзен медал на Медитеранските игри во Оран, Алжир.

Македонските ракометари имаа солиден настап, но сепак тоа не беше доволно за да се закитат со медал, иако во првото полувреме имаше водство од 8-5, но веднаш потоа почнаа грешките.

Грешките скапо ја чинеа Македонија, која на полувреме замина со негатива од два гола (13-15), а кризата продолжи и во вториот дел кога Србите избегаа на пет гола предност и со толку триумфираа на крајот.

За златниот медал на Игрите во Оран ќе се борат Шпанија и Египет од 17.30 часот.