Најдобриот фудбалер во светот, Лионел Меси на почетокот на новата сезона има многу проблеми со повреди. Сепак, синоќа против Интер се појави на теренот и одигра добар меч во победата на Каталонците од 2-1.
По важниот триумф во Лигата на шампиони, Меси зборуваше за лошите настапи на тимот сезонава и објасни зошто се случува тоа.
„Кога премногу патувате – не тренирате добро. Во претсезоната имавме таков проблем. Бевме до Јапонија, па се вративме во Шпанија, а потоа бевме во САД. Меѓутоа, полека се адаптираме и ова не е никаква критика за клубот, знам дека е реалнот и така работат големите екипи“, кажа Меси.
Барселона сега сака да ја продолжи серијата и во текот на викендот, додека во елитното натпреварување игра против Славија Прага во следното коло.
