МВР води истрага против полицаецот кој го удри Талески со пендрек (Видео)


Роналдо и со 39 години ја предводи Португалија! ↓↓↓


Полициски службеник со пендрек го удри македонскиот ракометар Филип Талески по дербито меѓу Вардар и Пелистер во финалето на Купот на Македонија.

Министерството за внатрешни работи (МВР) соопшти дека отвори предмет против полицаецот кој го удри ракометарот и ќе истражи која била причината за инцидентот.

„По вчера одиграниот ракометен натпревар КУП на Македонија-финале помеѓу ракометните екипи Пелистер од Битола и Вардар од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица.

По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот“, велат од МВР.