Шанса да станеш YouTuber! Приклучи се! ↓↓↓
Барселона во текот на претходните години имаше многу лоши трансфери, но тој на Филипе Кутињо дефинитивно нема никаква конкуренција.
Пред четири години на „Камп Ноу“ пристигна Бразилецот за 135 милиони евра од Ливерпул, но никогаш не се прослави во екипата на Барселона.
Каталонскиот тим прво го позајми на Баерн Минхен со кој ја освои и Лигата на шампиони, а потоа следеше враќање на „Камп ноу“, по што замина на позајмица во Астон вила.
Враќањето во Премиерлигата го препороди Кутињо, кој почна да ја враќа препознатливата форма, а стана и стандарден во репрезентацијата на Бразил за која вчера постигна спектакуларен гол против Парагвај.
Кутињо испрати удар од 25 метри и го погоди самиот агол од голот на Парагвај, па така потсети на неговите најдобри денови.
