Шанса да станеш YouTuber! Приклучи се! ↓↓↓
Македонија се пласираше на Европското првенство (ЕП), кое ќе се одржи следното лето во јуни, а откако добивме многу пофалби за нашиот успех, се јавија и такви кои ја критикуваа нашата селекција.
Еден од нив беше Питер Вандебемпт, белгиски новинар, кој е разочаран затоа што Македонија ќе игра на ЕП. Според него, ние немаме квалитет за такво нешто.
„Горан Пандев има зад себе неверојатна кариера, но човекот има 37 години. И сега видете кои се пласираа на ЕП, Северна Ирска и Македонија. Можеби од една страна е добро, но од друга страна е смешно затоа што тоа е како да пуштите Волксфаген Буба на трка во Формула 1. Ова со Лигата на нации е навистина смешно“, кажа белгискиот новинар, кој прерано ги потцени двете селекции.
