Новиот Дрогба – Челси ја купи белгиската гол машина за 40 милиони евра и градските ривали добија шамар

Француските медиуми соопштија дека е постигнат договор за трансфер на Мичи Бачуаји во Челси и тоа за 40 милиони евра.

Талентираниот белгиски напаѓач доаѓа од Марсеј, а интересно е дека од истиот клуб во 2004-та година беше доведен Дидиер Дрогба за 38.5 милиони евра.

Ова ќе биде најголемата продажба во историјата на Марсеј. Првите желби на сините беа Лукаку и Мората, но тоа беа тешки трансфери за реализација.

Бачуаји е третиот најскап фудбалер во историјата на Челси после Фернандо Торес и Андреј Шевченко.