Одличниот шпански стратег Луис Енрике му го донесе на Пари Сен Жермен трофејот од Лигата на шампионите во историјата на клубот.
ПСЖ во финалето го декласира Интер со резултат 5:0, а Енрике стана само седмиот тренер во историјата кој со два различни тима го освоил највредниот трофеј и единствен заедно со Пеп Гвардиола кој два пати успеа да ја освои популарната „триплета“ – националната лига, Купот и Лигата на шампионите.
Славјето на Енрике беше исполнето со длабоки емоции. Шпанецот во 2019 година доживеа голема семејна трагедија – неговата ќерка Сана почина на деветгодишна возраст по повеќемесечна борба со рак на коските.
„Секој ден мислам на неа, без разлика дали победуваме или губиме. Таа е тука, со мене, во моето срце. Сакам да живеам сеќавајќи се на сите убави работи што мојата ќерка ги донесе во мојот живот, тоа е мојата мисија. Мојата ќерка секогаш беше со мене и сигурен сум дека сега е многу среќна“, рече Енрике.
