Дефанзивецот на Челси, Весли Фофана доживеа тешка повреда поради која ќе паузира неколку месеци.
Челси потврди дека Фофана ќе мора да оди на операција поради тешка повреда на лигаментите и го чека пауза од неколку месеци, а според дел од прогнозите, тој најверојатно ќе ја пропушти сезоната.
Фофана е едно од најскапите засилувања на премиерлигашот, откако стигна од Лестер сити за 80 милиони евра.
Ова е проблем за новиот тренер Маурицио Покетино, кој можеби ќе треба да ангажира нов дефанзивец, иако ги има Чалоба, Бадиашил, Силва и Колвил.
