Си заминува легенда на Барселона и ќе игра во МЛС-лигата!

Барселона наскоро ќе се раздели со уште една легенда, а тоа е Серхио Бускетс, кој си заминува од клубот по деценија ипол.

Каталонските медиуми пишуваат дека Бускетс донел конечна одлука и нема да го продолжи договорот, па така Чави Ернандез ќе остане без важен фудбалер.

Како следен клуб за Бускетс се споменува Интер Мајами, чиј сопственик е легендарниот англиски фудбалер Дејвид Бекам.

Чави поради тоа го подготвува Френки Де Јонг како замена за Бускетс, иако холандскиот репрезентативец летово беше на праг да замине од тимот.

Бускетс го одигра првиот меч за Барселона на 13 септември 2008 година.