Кој ќе тепа на Ел Класико!? ↓↓↓
Горан Пандев заедно со Весли Снајдер соработуваше во Интер, каде што постигнаа одлични резултати, а сега поранешниот репрезентативец на Холандија го коментираше мечот против Македонија.
Македонија ќе игра против Холандија во последниот меч од групната фаза во Амстердам, а Снајдер смета дека не треба никој да го потцени Пандев.
„Пандев е одличен фудбалер со фантастична лева нога и чувство пред голот. Покрај тоа што е одличен на теренот, тој е голем човек. Според мене тој беше потценет, но не треба да биде“, вели Снајдер.
Исто така, Снајдер ја предупреди Холандија дека мора да игра внимателно против Македонија.
„Знаете сите што ѝ се случи на Германија, мора да влеземе сериозно во мечот, само така може да славиме“, вели Снајдер.
