Поранешниот македонски репрезентативец Иван Тричковски вчера го постигна осмиот гол по седум кола во кипарскиот шампионат во дресот на АЕК Ларнака и израмни рекорд од 1985 година.
Тричковски пред пет години исто така беше во одлична серија и на шест натпревари по ред даде гол, но сега го подобри неговиот рекорд и во следниот меч може да стане апсолутен рекордер, доколку даде гол.
„Се чувствуввам одлично, ми недостигаа навивачите. Сега сме први и нема да запреме. Знаеме каков квалитет имаме и тоа сакаме да го покажеме на теренот“, кажа Тричковски по натпреварот.
АЕК Ларнака следниот меч го игра против Етникос Ахна, па Тричковски има одлична шанса да стане рекордер во Кипар.
