Италијанските медиуми пишуваат дека нов тренер на Наполи ќе биде Серхио Консеисао, кој ќе дојде од Порто.
Тренерот го предводи Порто од 2017 година, а со тој клуб двапати го освои португалското првенство, португалскиот куп и два суперкупа.
Оваа сезона со Порто го исфрли Јувентус од осминафиналето во Лигата на шампиони, но загуби во четвртфинале од Челси.
Консеисао во кариерата ги предводеше и Олханенсе, Академика, Брага, Виторија Гимараеш и Нант.
За време на фудбалската кариера тој играше во Италија во период од 1998 до 2004 година, а настапуваше за Лацио, Парма и Интер.
За репрезентацијата на Португалија одигра 56 натпревари и постигна 12 голови.
