Еден од најголемите скандали во женскиот фудбал доби конечна епилог! УЕФА доживотно го суспендира чешкиот тренер Петра Влаховски откако беа откриени ужасни детали.
Поранешниот селектор на Чешка и долгогодишниот тренер на словачката женска фудбалска репрезентација повеќе нема да смее да води ниту еден тим во Европа, а УЕФА побара забраната да важи и на глобално ниво.
Според резултатите од истрагата, Влаховски помеѓу 2019 и 2023 година користел скриена камера што ја држел во ранец за тајно да ги снима фудбалерките за време на пресоблекувањето и туширањето пред и по тренинзи и натпревари.
Вкупно се снимени 15 фудбалерки, меѓу кои и малолетна играчка од само 17 години. Скандалот беше откриен во 2023 година, кога тренерот беше уапсен, а тогаш беше казнет со симболична отштета од 775 евра поради штетата нанесена на играчките. Но, случајот доби многу посериозен епилог две години подоцна.
