Деонтај Вајлдер ја одбрани титулата во тешка категорија, откако во седмата рунда со спектакуларен нокаут го победи Луис Ортиз, па така го одбрани појасот по 10. пат.
Овој 34-годишен борец ја освои првата титула во 2015 година, а Ортиз досега двапати губеше од него.
„Може да видите зошто ниту еден друг борец не сака да се бори со Ортиз. Многу е итар во рингот. Морав да играм со него и да се мерам на одредени места. Морав да се враќам назад и да одам напред“, вели Вајлдер.
Во февруари Вајлдер ќе се бори против Тајсон Фјури, а треба да кажеме дека ова беше 42. победа за Деонтај, односно 41. со нокаут.
