Вилијан даде изјава за својата иднина во Челси

Бразилецот Вилијан уште нема решено дали ќе остане во Челси или ќе ја менува средината. Лондонскиот гигант му нуди нов договор, но има понуди и од Арсенал и Тотенхем.

Сепак, очигледно тој е поблиску до заминување, отколку продолжување на соработката.

„Челси ми нуди договор на две години, а јас кажав дека сакам да останам три. Ситуацијата поради тоа е тешка. Не знам дали може да останам. Целта е да продолжам со работа и да бидам сконцентриран за да може клубот да продолжи со победите. Милсам дека тешко ќе останам. Ќе видиме што ќе се случи“, јасен беше Бразилецот.

Поради неговите години, Челси не сака да му даде подолг договор, па ситуацијата е неизвесна.