Во Челси беше големо разочарување, а сега ќе биде замена за Винисиус?

Реал Мадрид планира во јануари да ангажира замена за Бразилецот Винисиус Жуниор, а изборот паднал на Тимо Вернер од Лајпциг.

Винисиус се повреди и се очекува да паузира околу три месеци, но „кралевите“ мора да најдат негова замена и затоа Вернер делува како добро решение.

Вернер претходно играше за Челси, каде што не се прослави и имаше лоши настапи, а сега се бори за минутажа во редовите на „биковите“.

Засега не е познато колку пари ќе бара Лајпциг за негов трансфер, но не се очекува да биде преголема сума.