Во Челси никој не ја сака „деветката“ затоа што е – проколната!

Во некои клубови посебни броеви на дресовите имаат специјално значење, додека во Челси една бројка има големо проклетство, кое никој не успеа да го урне.

Челси е еден од најдобрите клубови во светот, меѓутоа без разлика на ѕвездите кои ги има во тимот, никој не сака да ја земе „деветката“.

Откако си замина Ромелу Лукаку во Интер овој број остана празен и никој не сака да го носи затоа што во минатото им носеше несреќа на сите кои го имаа на својот дрес.

Во минатото „деветката“ ја носеа Лукаку, Фернандо Торес, Алваро Мората, Гонзало Игуаин, Радамел Фалкао, Хернан Креспо и Матија Кежман, но никој од нив не се прослави.