„Ливерпул Ехо“ пишува дека Ливерпул денеска контактирал со Лајпциг поради потенцијален договор за трансфер на Тимо Вернер во летниот преоден рок.
Медиумите пишуваат дека Ливерпул ги направил првите официјални чекори и се распрашувал за Вернер, на кого Лајпциг му подготвува нов договор и му нуди плата од 5,2 милиони фунти годишно за да го задржи.
Тоа не значи дека другите клубови не покажуваат интерес, а засега еден од нив е Ливерпул, кој и во јануари се поврзуваше со напаѓачот.
Вернер сезонава за Лајпциг постигна 14 голови на 25 натпревари и продолжи со одличните настапи по пристигнувањето во тимот во 2016 година.
Според „трансфермаркт“, Вернер вреди околу 58 милиони фунти, а останува да видиме дали „црвените“ ќе се обидат да го ангажираат и колку ќе го платат.
