Сопственикот на турнирот во Мадрид, Чиријак го критикуваше Федерер поради прескокнување на целата сезона на земја.
Федерер одлично ја отвори сезоната со титулите во АО, Индијан Велс и Мајами, но одлучи да направи нова пауза и да се врати пред Вимблдон.
„Очекував да го видам Федерер во Монте Карло, Мадрид и Рим. Во текот на кариерата секогаш играше добро, но сега е поинаку. Ретко игра и повеќе не може да сметаме на него. Тој е голем шампион, но тенисот не е само на Грен Слем турнирите.“
Федерер кажа дека не сака да игра на земја, затоа што минатата сезона се чувствувал чудно, поради проблеми со коленото.
