Карлос Тевез оваа зима стана нов играч на Шангај, во кој стигна од Бока.
Медиумите пишуваа дека неговата неделна плата ќе биде неверојатни 720.000 евра, а потоа се појави вест дека всушност ќе заработува многу помалку.
Тој одлучи да даде изјава и да каже дека парите не биле факторот поради кој се преселил во Кина.
„На навивачите на Бока сакам да им се заблагодарам за љубовта и поддршката која ми ја даваа додека играв во нивниот тим. Одлуката да заминам беше тешка, но Бока е клуб кој го сакам и тешко ми е што не сум дел од тој тим.“
„Донесов одлука да заминам во Кина. Трансферот во Шангај го прифатив поради различни животни работи, а не поради пари. Сакав да се одморам од се.“
Карлос Тевез по враќањето во Бока од Јувентус кажа дека таму ќе ја заврши својата кариера, а по се изгледа дека нема да го испочитува својот збор.
