Шпанскиот тениски ас, Рафаел Надал, денеска во еден исцрпувачки натпревар кој траеше пет часа, против луксембурецот Милер, ги загуби надежите за нова титула на Вимблдон.
Милер успеа да поведе со 2-0 во сетови, но Рафа прво намали на 2-1 а потоа и го изедначи резултатот, и кога сите мислеа дека ова ќе биде уште еден прекрасен камбек на Надал со победа, 34 годишниот луксембурец ги изненади сите и го порази фаворитот Надал.
Беше тоа неверојатен натпревар кој траеше 4 часа и 48 минути, каде што Рафа успеа да спаси четири меч топки, но не успеа на крајот во тај брејкот да го зададе последниот удар.
