Фудбалерот на Ајнтрахт Франкфурт, Анте Ребиќ блеска во дресот на хрватската репрезентација на Мундијалот во Русија.
Одличните игри на Светското првенство со сигурност ќе го препорачаат на неколку европски гиганти, а меѓу тимовите кои го посакуваат неговиот потпис е и Баерн Минхен.
„Многу сум среќен поради победата, ова се работи кои хрватскиот народ ги бара веќе 20 години. Конечно се појави генерација која би можела да стигне далеку. Анте Ребиќ е одличен играч, добро би ни дошол во Баерн. Мило ми е што игра прекрасно на Мундијалот и мислам дека би бил од голема корист на нашиот тим“ –коментираше новиот тренер на Баерн Минхен, Нико Ковач.
