Откако минатата сезона во Чикаго Булс му помина со борење за последното место во плејофот за таму да испадне уште во првото коло, Двејн Вејд годинава е спремен да си го откупи договорот и да си замине од Чикаго.
Помеѓу тимовите кои би биле заинтересирани за неговите услуги се наоѓаат секогаш моќните Сан Антонио Спарс и Кливленд Кавалирс, но по сѐ изгледа тој веќе одлучил каде ќе ја продолжи кариерата.
Имено, децата на Двејн Вејд новата учебна година ќе ја поминат во Мајами, каде тој има и куќа бидејќи беше долгогодишен член на Мајами Хит. Кога Вејд се пресели во Чикаго, жената и децата го следеа во Чикаго. А сега, веројатно тој ќе ги следи нив и ќе се врати во градот во кој беше драфтуван.
Своите најдобри години Вејд ги помина во Мајами Хит, со чиј тим освои и три прстени а во 2005 година дури беше и МВП на финалето.
