Лазаров одличен, Нант пред пласман во четвртфинале

Македонскиот репрезентативец Кире Лазаров имаше одлчен натпревар во дресот на Нант во првиот осминафинален натпревар од Лигата на шампионите против Мешков Брест.

Нант славеше со високи 32:24, а Лазаров натпреварот го заврши со пет поени и само едно промашување.

Французите го контролираа резултатот од самиот почеток на натпреварот и до крајот не пропуштија домаќините од Белорусија да им ја загрозат победата.

Ако Нант го мине Брест, што веројатно и ќе се случи тимот во четвртфиналето ќе се сретне со подобриот од двомечот Веспрем-Скјерн.

Кјелце очекувано славеше висока победа против вториот тим на Рајн Некар Левен со 41:17 и со сигурност обезбеди пласман во следната фаза од натпреварувањето. Полјаците и пред почетокот на средбата важеа како сигурни патници во четвртфиналето со оглед на фактот што Рајн Некар поради протест кон ЕХФ играше со својот втор состав.