Ракометарите на Искра добија ново засилување за сезонава, откако во нивните редови пристигна Марио Лефковски кој последните неколку сезони ги играше за РК Пролет.
За својот поранешен клуб настапуваше и во европските натпреварувања, па беше еден од носителите на играта.
Беше член и на младинските селекции на Македонија и со успех настапуваше на турнирот „Ракометот е мојата иднина“ кој веќе неколку години се одржува во Бугојно, БиХ.
Лефковски веднаш ќе се приклучи на подготовките на новиот клуб, а од РК Искра кажаа дека тој ќе биде последно засилување за нив сезонава.
